📖 Ibyanditswe Byera
« Uduhe none ibyokurya byacu by’uyu munsi. »
Matayo 6:11
🪔 Ibitekerezo
Buri munsi Imana iraduhamagarira kuyishingikirizaho bundi bushya. Isengesho ryo gusaba ifunguro ridukwiriye ridukangurira ko Uwiteka atitaye gusa ku hazaza hacu h’iteka, ahubwo n’icyo dukeneye uyu munsi. Iyo dusabye Imana ifunguro ryacu rya buri munsi, tuba tuyemereye ko tuyikeneye kandi twiringiye ukwizerwa kwayo.
Imana iduha ubuntu bw’ uyu munsi, imbaraga z’uyu munsi n’ubwenge bw’uyu munsi. Itwigisha kubaho umunsi ku wundi, tugendera mu kwizera aho kuyoborwa n’ubwoba. Mu kwakira ijambo ry’Imana ry’uyu munsi, imitima yacu igume ishimira kandi yiyegurire Imana byuzuye.
🙏 Isengesho
Mwami Mana, uyu munsi tuje imbere Yawe twemera ko tugukeneye muri byose. Duhe ifunguro ridukwiriye uyu munsi Ijambo ryawe, amahoro yawe n’imbaraga zawe. Twigishe kukwiringira buri munsi no kugendera mu kumvira ubushake bwawe.
Mw’ izina rya Yesu Kristo, Amen.